काठमाडौं– भेरी अस्पतालको प्रयोगशालामा गरिएको परीक्षणमा थप ९ जनामा कोरोना संक्रमण पुष्टि भएको छ ।

अस्पतालका मेडिकल सुपरिटेन्डेन्ट डाक्टर प्रकाश बहादुर थापामा अनुसार अस्पतालको प्रयोगशालामा गरिएको परीक्षणमा थप ९ जनामा कोरोना संक्रमण पुष्टि भएको हो ।

भेरी अस्पतालले सोमबार साँझ  संक्रमितको अपडेट फेसबुक मार्फत सार्वजनिक गर्दै संक्रमित थप भएको जानकारी दिएको हो ।

नयाँ थपिएका संक्रमितहरु बाँकेको नेपालगञ्ज-४ का ४९ वर्षका पुरुष, वडा नम्बर २० का ३२ वर्षका पुरुष, वडा नम्बर १३ का २४ वर्षका पुरुष रहेका छन् । यस्तै बाँकेकै खजुराका वडा नम्बर ५ का २३ वर्षका पुरुष, वडा नम्बर ४ का ३६ वर्षका पुरुष र ३५ वर्षकी महिला पनि संक्रमित भएका छन् ।

यस्तै खजुराकै वडा नम्बर ३ र २ का ४३ वर्षका पुरुष र २३ वर्षकी महिलामा पनि कोरोना संक्रमण पुष्टि भएको छ ।

बर्दियाको मधुवन ६ का १८ वर्षीय पुरुषमा पनि कोरोना संक्रमण पुष्टि भएको छ । यसअघि आजै भेरी अस्पतालको प्रयोगशालामा १९ जनाको कोरोना संक्रमण पुष्टि भएको थियो । सो प्रयोगशालामा आज मात्र २८ जनाको रिपोर्ट पोजेटिभ आएको छ ।