एजेन्सी- प्रदर्शनकारीले अमेरिकास्थित भारतीय दूतावास अगाडि रहेको महात्मा गान्धीको प्रतिमा तोडफोड गरेका छन् ।

अफ्रिकी मुलका अमेरिकी नागरिक जर्ज फ्लोयड हत्याको विषयलाई लिएर आन्दोलनमा उत्रिएका प्रदर्शनकारीले महात्मा गान्धीको प्रतिमा तोडफोड गरेका हुन् ।

अश्वेत अमेरिकी नागरिकको प्रहरी हिरासतमै मृत्यु भएपछि अमेरिकामा आन्दोलन चर्काइएको छ ।

प्रतिमामा आक्रमण गरेर तोडफोड गर्ने व्यक्तिको खोजी भइरहेको र पत्ता लगाएर कानुनअनुसार कारवाही गरिने अमेरिकी प्रहरीले जनाएको छ ।

गत मे महिनाको २५ मा अफ्रिकी मुलका अमेरिकी नागरिक जर्ज फ्लोयडको मिनियापोलिसमा मृत्यु भएको थियो ।

अश्वेत ती व्यक्तिलाई अमेरिकी प्रहरीले हत्या गरेको आरोप लागेको छ ।