एजेन्सी – अश्वेत नागरिकको मृत्यु भएको घटनालाई लिएर अमेरिकामा प्रदर्शनले उग्ररुप लिएपछि अमेरिकी प्रहरीले माफी मागेको छ ।

आन्दोलन ह्रिंस्रक बन्दै गएपछि प्रदर्शनकारी सामू मियामी प्रहरीले घुँडा टेकेर माफी मागेको हो । उक्त तस्वीर अहिले सामाजिक सञ्जालमा भाइरल भएको छ।

आन्दोलनकारीसँग सहभागि भएका प्रहरीले घुडा टेकेर शान्तिको प्रार्थना गरेका छन् । मियामी प्रहरीले अमेरिकालाई शान्ति बनाइराख्न आफूहरु आन्दोलनकारीसँगै शान्तिको प्रार्थना गरेकाे उल्लेख गरेकाे छ।

मे २५ मा मिनियापोलिसमा प्रहरीले एक अश्वेत नागरिकलाई कारबाट निकालेर घाँटी थिचेर हत्या गरेको विरोधमा अमेरिकाभर विरोध चर्किएको हो।

प्रहरीले हत्या गर्ने प्रहरी अधिकारीसहित अन्य चार जनालाई पक्राउ गरेकाे छ।

आन्दोलन चर्किएपछि अमेरिकाका ४० भन्दा बढी शहरमा कर्फ्यू लगाइएकाे छ। । अमेरिकी राष्ट्रपति डोनाल्ड ट्रम्पले आन्दोलन मथ्थर पार्न सेना परिचालन गर्ने समेत चेतावनी दिएका छन्।