काठमाडौं –  लकडाउनको अवज्ञा गर्दै काठमाडौं मैतीदेवी क्षेत्रमा बिहीबार बिहान  व्यापारीले केहीबेर पसल खोलेका छन् ।

साढे २ महिनादेखिको लकडाउनले जनजीवन कष्टकर भएको भन्दै व्यापारीहरूले पसल खोलेपछि प्रहरीले बन्द गराएको थियो । सोक्रममा प्रहरी र ब्यापारीबीच केही बेर भनाभन भएको बताइएको छ ।

बिहीबार बिहानै फेन्सी पसलदेखि रेस्टुरेन्टसम्म खोलिएपछि स्वयंसेवकको सहयोगमा प्रहरीले ती सबै पसल बन्द गराएको हो ।

सरकारले लकडाउनको विकल्प नखोजेकाले आजदेखि पसल खोल्ने ब्यापारीले चेतावनी दिइसकेका छन् ।

लकडाउनका कारण व्यापार व्यवसाय ठप्प हुँदा समस्या परेको भन्दै काठमाडौंका व्यवसायीले आजदेखि बिहान ११ बजेसम्म पसल तथा व्यवसाय खुला गर्ने एकतर्फी निर्णय गरेका थिए ।