काठमाडौं– काठमाडौं प्रहरीले स्रोत नखुलेको २० लाख रुपैयाँसहित १ जनालाई पक्राउ गरेको छ ।
रौतहटबाट काठमाडौं आउँदै गरेको ना ५ ख २२३३ नम्बर सार्वजनिक बसमा चेकजाँच गर्ने क्रममा १ जना यात्रु २० लाख रुपैयाँसहित पक्राउ परेका हुन् ।
पक्राउ पर्नेमा रौतहटको रादेवी नगरपालिका–७ का २३ वर्षीय मनोज यादव भनिने रुबोध कुमार यादव छन् ।
प्रहरीका अनुसार रुबोधले जिउमा लगाएको कपडाको भित्रिपट्टि खल्ती बनाएर १ हजार दरका २००० थान नोट लुकाएर राखेका थिए ।
महानगरीय प्रहरी बृत्त थानकोटबाट खटिएको प्रहरी टोलीले यादवलाई नियन्त्रणमा लिएर थप अनुसन्धान भइरहेको जनाएको छ ।
प्रतिक्रिया