मुम्बई – अनुराग सिंहको निर्देशनमा बनेको फिल्म ‘केसरी’ ले बक्स अफिसमा कमालको व्यापार गरिरहेको छ । यो फिल्ममा अक्षय कुमारले मुख्य भूमिका निभाएका छन् । फिल्म पहिलो हप्ता नै सय करोडको क्लबमा प्रवेश गरिसकेको छ । यो फिल्मले भारतमा मात्र होइन, विदेशमा पनि उत्तिकै व्यापार गरिरहेको छ ।

हालसम्म फिल्मको विश्वव्यापी ग्रस कलेक्सन १ सय ५० करोड पुगेको छ । करण जोहरले सामाजिक सञ्जालमा यसबारेमा खुलासा गरेका छन् ।
फिल्मका निर्माता करण जोहरले एउटा ब्यानर बनाएर ट्वीटर एकाउन्टमा लेखेका छन्, ‘दुनियाँभरको बक्स अफिसमा केसरी मजबूत बनेको छ ।’

फिल्ममा अक्षयकुमारको कामको थप प्रशंसा भइरहेको छ । यो फिल्म भारतमा मात्र ३६०० पर्दामा रिलिज भएको छ । विदेशमा यो फिल्म ६०० पर्दामा रिलिज भएको छ ।

केसरी फिल्म ब्याटल अफ सारागढीको कहानीमा आधारित छ । फिल्ममा अक्षय कुमारले हवल्दार इशर सिंहको भूमिका निभाएका छन् । फिल्मलाई समीक्षकले पनि रुचाएका छन् ।

परिणीति चोपडा फिल्ममा अक्षय कुमारकी पत्नीको भूमिकामा छिन् ।