काठमाडौं– नेपाली राष्ट्रिय क्रिकेट टोलीका लेग स्पिनर सन्दीप लामिछाने आवद्ध टोली दिल्ली क्यापीटल्सले आज (सोमबार) इन्डियन प्रिमियर लिग (आईपीएल) मा किङ्स ११ पञ्जावपसँग खेल्दैछ । पञ्जावको घरेलु मैदानमा हुने खेलमा दिल्ली र पञ्जाव आफ्नो तेस्रो जीतको खोजिमा हुनेछन् ।

यसअघि समान तीन खेल खेलेका दिल्ली र पञ्जावले समान २ खेलमा जित एक—एक खेलमा हार बेहोर्ेका छन् । अंक तालिकामा समान ४—४ अंक रहेका दिल्ली र पञ्जाव नेट रनरेटका आधारमा क्रमशः चौथो र पाँचौ स्थानमा छन् ।

विष्फोटक ब्याट्सम्यान क्रिस गेल रहेको पञ्जावविरुद्ध दिल्लीका ब्याट्सम्यान पृथ्वी श्वा र रिसभ पन्तले कस्तो ब्याटिङ गलान् भन्ने जिज्ञासा यतिबेला उठिरहेको छ ।

त्यस्तै, यसअघि कलकत्ता नाइट राइडर्सविरुद्ध दिल्लीको प्लेइङ ११ मा अटाएका नेपाली स्पिनर सन्दीप लामिकछाने पञ्जावविरुद्धको खेलमा मैदान उत्रिने सम्भावना पनि बलियो छ ।

उनले पहिलो खेलमा एक विकेट लिएर दिल्लीका अन्य बलरको भन्दा कसिलो बलिङ गरेका थिए । जसमा उनले खेलको तेस्रो ओभर बलिङ गरेर मात्रै एक रन खर्चेका थिए भने समग्रमा ४ आभेर बलिङ गरेका सन्दीपले १ विकेट लिएर २९ रन खर्चेका थिए ।

दिल्लीले पहिलो खेलमा जीत हात पारेपछि दोस्रो खेलमा अघिल्लै प्लेइङ सेटलाई निरन्तरता दिएको थियो । भने आजको खेलमा पनि कलकत्ताविरुद्धकै टिम मैदान उतारे सन्दीप टिममा पर्नेछन् ।

दिल्लीले आफ्नो तेस्रो खेलमा कलकत्तालाई सुपर ओभरमा पराजित गरहेको थियो ।

यस्तो छ सम्भावितत प्लेइङ ११

पृथ्वी श्वा, शिखर धवन, श्रयस अयर (कप्तान), कोलिन इनग्राम, रिसभ पन्त, हनुमान विहारी, क्रिस मोरिस, हर्षल पटेल, अमित मिश्रा—अक्जर पटेल, सन्दीप लामिछाने, कागिसो रबाडा