काठमाडौं- क्रिएशन नेपालले द कोका-कोला फाउन्डेशनको सहयोगमा ‘सफाईकर्मी इमर्जेन्सी रिलिफ प्रोजेक्ट’ अन्तर्गत भक्तपुर, काठमाडौं र कीर्तिपुरका विभिन्न स्थानमा राहत वितरण गरेको छ ।

टोलीले भक्तपुर र काठमाडौंका करिब १६० जना सफाईकर्मीलाई रक्षात्मक जमसुट र खाध्यान्न सामग्रीका प्याकेजहरु वितरण गरेको हो।

भक्तपुरमा डोको रिलाइकलर्स र स्थानीय सरकारको साथै कर्नल शिव पौडेल, वीर दल गणपत्ति र भक्तपुर महानगर प्रहरी सर्कलका एसपी सविन प्रधानको उपस्थितिमा उक्त सामग्री वितरण गरिएको हो । त्यसैगरी काठमाडौं महानगरपालिकाका मेयर विद्यासुन्दर शाक्यलाई समेत सहयोग सामग्री हस्तान्तरण गरिएको छ ।

सफाईकर्मी इमर्जेन्सी रिलिफ प्रोजेक्ट औपचारिक रुपमा जेठ २ गतेबाट सुरु गरिएको हो । यो परियोजना नेपालभरका ३२०० सफाईकर्मीहरुलाई लाभ पु¥याउने लक्ष्य राखिएको छ ।