काठमाडौं– नेपालमा कोराना संक्रमितको संख्या बढिरहेको समयमा अन्य सरुवा रोगको संक्रमण पनि थपिन थालेको छ ।

स्वास्थ्य मन्त्रालयको नियमित लाइभ अपडेट मार्फत इपिडिमियोलोजी तथा रोग नियन्त्रण महाशाखाका प्रमुख डा बासुदेव पाण्डेले अन्य सरुवा रोगको संक्रमण पनि देखिन थालेको बताएका हुन् ।

डा पाण्डेले कोरोना संक्रमणसँगै नेपालमा डेंगु रोगको संक्रमण पनि देखिन थालेको बताए । डा पाण्डेका अनुसार पुस यता हालसम्म ८२ जनामा डेंगु रोग देखिएको छ ।

डा पाण्डेका अनुसार देशभरका २६ जिल्लामा डेंगुका बिरामी भेटिएका छन् । जसमध्ये रुपन्देहीमा ३५, म्याग्दीमा १२, मकवनापुर, गोरखा र तनहुमा एक-एक जनामा संक्रमण भएको छ ।

यस्तै कास्कीमा १० जना , काठमाडौंमा ७ जना नवलपरासीमा एक जना, बाग्लुङमा २ जना ललितपुरमा २ जना,सुनसरीमा ४ जा पाल्पामा एक जना, नवलपरासी पश्चिममा एक जना, मोरङमा ३ जना, कपिलवस्तुमा ३ जना तेह्रथुममा २ जना बाँकेमा एक जना, डडेल्धुरामा एक जना, दाङमा एक जना र झापामा एकजना, उदयपुरमा एकजना, नुवाकोटमा दुइ जना, कैलालीमा २ जना धनकुटामा २ जना रामेछापमा १ र धादिङमा २ जनामा डेंगु रोग देखिएको छ ।

गत वर्ष नेपालमा१६ हजार जनामा डेंगुको संक्रमण देखिएको थियो भने ६ जनाको मृत्यु भएको डा पाण्डेले बताए ।