काठमाडौं– कर्णाली प्रदेशमा कोरोना संक्रमितको संख्या १९८ पुगेको छ । सामाजिक विकास मन्त्रालय कर्णाली प्रदेशले एक विज्ञप्ति जारी गर्दै आजसम्म कर्णाली प्रदेशमा कोरोना भाइरस संक्रमितको संख्या १९८ पुगेको जानकारी दिएको हो ।

कर्णाली प्रदेशमा आज मात्रै थप ७५ जनामा कोरोना भाइरस संक्रमण पुष्टि भएको छ ।

प्रदेश अस्पताल सुर्खेतको पशुपन्छी रोग अन्वेषण प्रयोगशालामा गरिएको परीक्षणका ३२ जना र कर्णाली स्वास्थ्य विज्ञान प्रतिस्ष्ठानमा गरिएको परीक्षणका ४३ जनामा कोरोना भाइरस संक्रमण पुष्टि भएको छ ।

संक्रमितहरु दैलेख, सल्यान, सुर्खेत र जुम्लाका रहेको मन्त्रालयले जनाएको छ ।

कोरोना संक्रमित पुष्टि गरेर मन्त्रालयले जारी गरेको विज्ञप्ति हेर्नुहोस्