काठमाडौं – गण्डकी प्रदेशमा कोरोना संक्रमितको संख्या २७ पुगेको छ ।
गण्डकी प्रदेश स्वास्थ्य निर्देशनालयले आज विहान ६ बजे जारी गरेको बिज्ञप्तिमा नवलपरासी (बर्दघाट सुस्ता पूर्व) कावासोती नगरपालिकाका २ जना र बिनयत्रिवेणी गाउँपालिका १ जनामा कोरोना भाइरसको संक्रमण पुष्टि भएको छ ।
निर्देशनालयका निर्देशक डा.विनोद विन्दु शर्माका अनुसार कावासोती नगरपालिकास्थित क्वारेन्टाइनमा रहेका सोही ठाउँका वर्ष २२ र ३६ का २ जना पुरूष तथा बिनयत्रिवेणी गाउँपालिकाका १४ वर्षीय बालकमा कोरोना पुष्टि भएको छ ।
उनीहरुलाई नवलपरासी (बर्दघाट सुस्ता पूर्व) को जिल्ला अस्पताल लैजाने तयारी भएको उनले जानकारी दिए ।
प्रतिक्रिया