स्लोभाकिया– वर्तमान सरकार र संस्थापनको चर्को आलोचना गर्दै आएकी जुजाना क्यापुटोभा स्लोभाकियाको राष्ट्रपतिमा निर्वाचित भएकी छिन् ।
शनिबार भएको राष्ट्रपतीय निर्वाचनको दोश्रो चरणमा ५८.४ प्रतिशत मत ल्याएपछि उनी स्लोभाकियाको नयाँ राष्ट्रपतिमा निर्वाचित भएको अन्तर्राष्ट्रिय सञ्चारमाध्यमले जनाएका छन् ।
उनका प्रतिस्पर्धी मारोस सेफ्कोभिचले ४१.६ मत ल्याएका छन् । यद्यपि निर्वाचनको औपचारिक मतपरिणाम भने आइतबार मात्रै घोषणा गरिने त्यहाँको निर्वाचन आयोगले जनाएको छ ।
यससँगै उनी पूर्वी युरोपेली मुलुक स्लोभाकियाकी पहिलो महिला राष्ट्रपति बन्नेछिन् । उनका प्रतिस्पर्धी सेफ्कोभिचले आफ्नो पराजय स्वीकार गरिसकेको बताइएको छ ।
प्रतिक्रिया