काठमाडौं– प्रदेश २ को सिराहामा पनि ५ जनामा कोरोना संक्रमण पुष्टि भएको छ ।

प्रमुख जिल्ला अधिकारी सरोज प्रसाद गुरागाईँका अनुसार सिराहामा ५ जनामा कोरोना संक्रमण पुष्टि भएको हो ।

प्रजिअ गुरागाईँका अनुसार भगवानपुर गाउँपालिका–४ २५, २५ २६ र २९ वर्षका ४ जना पुरुष र नवराजपुर गाउँपालिका– १ का १८ वर्षका एकजना पुरुष रहेका छन् ।

प्रजिअ गुरागाईँका अनुसार राष्ट्रिय जनस्वास्थ्य प्रयोगशालाले सोमबार राति १० बजे सिराहामा ५ जनामा कोरोना संक्रमण पुष्टि भएको जानकारी दिएको थियो ।

उनीहरु केही सयमअघि भारतबाट आएर क्वारेन्टाइमा रहेको व्यक्ति भएको सिडियो गुरागाईँले जानकारी दिए । उनीहरुमा कोरोना संक्रमण पुष्टि भएपछि अहिले धनगढीमाई नगरपालिकाको महेन्द्र गेनाई अस्पतालको आइसोलेसनमा राखिएको छ ।

यसअघि सिराहामा एकजनामा कोरोना संक्रमण पुष्टि भएको थियो । यो सँगै सिराहामा कोरोना संक्रमितको संख्या ६ पुगेको छ ।