काठमाडौं– नेसनल मेडिकल कलेजमा कार्यारत केही चिकित्सकहरुलाई क्वारेन्टाइनमा राखिएको छ ।

अस्पतालका कोरोना सम्पर्क व्यक्ति डाक्टर असरफ हुसेनका अनुसार जेठ ४ गते अस्पतालमा मृत्यु भएका व्यक्तिमा कोरोना पोजेटिभ आएको पाइएपछि उनको उपचारमा संलग्न चिकित्कहरुलाई क्वारेन्टाइमा राखिएको हो ।

डा हुसेनका अनुसार ७० वर्षका बारा कलैयाका पुरुषको कोरोना परीक्षणको रिपोर्ट ८ दिनपछि पोजेटिभ आएको पाइएपछि केही चिकित्सकहरुलाई क्वारेन्टाइनमा राखिएको हो ।

अस्पतालले ती पुरुषको सम्पर्कमा रहेका आकस्मिक सेवा विभाग, आइसीयू र एनेस्थेसीयका चिकित्सक, नर्स तथा स्वास्थ्यकर्मीलाई क्वारेन्टाइनमा राखिएको हो ।

डा हुसेनले श्वासप्रश्वासको समस्या लिएर जेठ २ गते आएका पुरुषको जेठ ४ गते मृत्यु भएको थियो ।