काठमाडौं– परराष्ट्रमन्त्री प्रदीप ज्ञवालीले विश्वले नेपाललाई ‘मार्क’ गर्न थालेको दाबी गरेका छन् ।

आइतबार रिपोर्टस क्लवको वार्षिक उत्सवमा बोल्दै परराष्ट्रमन्त्री ज्ञवालीले नेपाल पछिल्लो समय अन्तर्राष्ट्रि जगतमा चासोसाथ हेरिएको देश भएको बताएका छन् । उनले नेपालको हैसियत पछिल्ला दिनमा बढीरहेको दाबी गरे ।

‘समाजवाद उन्मुख लोकतन्त्र र त्यसको जगमा लिएको स्पष्ट आर्थिक सामाजिक रुपान्तरणको दिशाले नेपालको छवी नयाँ ढंगले चिनिन थालेको छ’ परराष्ट्रमन्त्री ज्ञवालीले भने,‘सधैंभरी द्वन्द्वमा फस्ने जोखिम रहेको, वर्षैपिच्छे सरकार फेरिरहने भन्दै हाम्रो पहिचान धुमिल भएको थियो । तर अहिले हामी जीवन्त गतिशिल लोकतन्त्रको रुपमा स्थापित गर्दै लगेका छौं ।’

लगानी सम्मेलनमा उपस्थित विदेशी लगानीकर्ताले समते नेपाललाई दक्षिण एशियाको राइजिङ स्टारको रुपमा चर्चा गरेको र त्यो निकै महत्वपूर्ण भएको बताए ।