काठमाडौं – हवाई जहाजका लागि इन्जिन बनाउने बेलायतको रोल्स–रोयस कम्पनी संकटमा परेको छ ।
कोरोनाभाइरसका कारण आर्थिक संकट देखिएको भन्दै कम्पनीले कम्तीमा ९ हजार कर्मचारी कटौती गर्ने घोषणा गरेको छ ।
कम्पनीका प्रमुख कार्यकारी वारेन इस्टले वर्तमान संकट आफूहरूका कारण सिर्जना नभएको जनाउँदै यस सङ्कटलाई सबैले मिलेर सामना गर्नुको विकल्प नरहेको बताए ।
आर्थिक संकटले कर्मचारी कटौती गर्न लागिएको जनाउदै उनले विश्वभर छरिएर रहेका कम्पनीमा कार्यरत २५ प्रतिशत कर्मचारी हटाउनै पर्ने अवस्था आएको जनाएका छन् ।
रोल्स रोयल्समा हाल विश्वभर ५२ हजार हाराहारी कर्मचारी रहेका छन् ।
प्रतिक्रिया