काठमाडौं– ललितपुरको गोदावरी नगरपालिकाले काठमाडौँका तीन क्षेत्रबाट विक्री हुने तरकारी प्रयोगमा प्रतिबन्ध लगाएको छ ।

कोरोना भाइरसको संक्रमण बढ्न थालेपछि नगरपालिकाले एक सूचना जारी गर्दै कालीमाटी, बल्खु र बानेश्वर क्षेत्रको तरकारी र फलफूल आफ्नो नगरमा प्रतिबन्ध लगाएको घोषणा गरेको हो।

मेयर गजेन्द्र महर्जनले विज्ञप्ति जारी गर्दै कालीमाटी, बल्खु र बानेश्वर क्षेत्रबाट तरकारी र फलफूल ल्याएर विक्रीवितरण गरेमा कडा कारबाही गरिने चेतावनी दिएका छन् ।

ती क्षेत्रमा आउने तरकारी तराई तथा भारतबाट ल्याइने भएकाले कोरोना संक्रमणको जोखिम बढाउने खतरा रहेको नगरपालिकले विज्ञप्तिमार्फत जनाएको छ ।

त्यस्तै नगरपालिका क्षेत्रका खाद्यान्न पसल बिहान ५ देखि ११ बजेसम्म खोल्न दिने नगरपालिकाले जनाएको छ ।

नगरपालिकाद्वारा जारी सूचना