एजेन्सी- अभिनेता ग्रेगरी टियर बोयस लस भेगसस्थित आफ्नै निवासमा मृत भेटिएका छन् ।

३० वर्षीय अभिनेता र उनकी २७ वर्षीय प्रेमिका दुवै एकसाथ मृत फेला परेको सीएनएनले उल्लेख गरेको छ ।

यी दुई १३ मेमा मृत अवस्थामा फेला परेका हुन् । तर, मृत्युको कारण भने पुष्टि भइसकेको छैन ।

लस भेगास पुलिस विभागका सार्वजनिक सूचना अधिकारीले सीएनएनलाई इमेलमार्फत् उनीहरूको मृत्यु कुनै आपराधिक घटना नएको पुष्टि गरेका छन् ।

अभिनेता ग्रेगरीकी आमा लिसा वेनले आइतबार सामाजिक सञ्जाल फेसबुकमार्फत् छोरा र अदिपोजु दुवैलाई श्रदाञ्जलि अर्पण गरेकी छन् । साथै उनले आफ्नो छोरा उत्कृष्ट सेफ भएको र ऊ आफ्नो नयाँ व्यवसाय स्थापना गर्ने तयारीमा रहेको पनि बताएकी छन् ।

अभिनेता ग्रेगरी ‘ट्वायलाइट’मा बेला स्वानको अपोजिट क्रिस्टन स्टिवर्टको भूमिकामा थिए । उनीहरूको मृत्युबारे अनुसन्धान गरिरहेको कर्नर एक्जामिनर अफिसले मृत्युको कारण ६ देखि ८ हप्ताभित्र पत्ता लाग्ने बताएको छ ।