अर्घाखाँची- अर्घाखाँचीका सीमा नाका सिल गरिएको छ । जिल्ला सुरक्षा समिति बैठकले कोरोना भाइरस संक्रमण फैलन नदिन सीमा नाका सिल गर्ने निर्णय गरेको छ ।

बैठकले अर्को व्यवस्था नभएसम्मका लागि वित्तीय सस्था नभए सम्म बन्द गर्ने, छाया पोलिक्लिनक अर्को व्यवस्था नभएसम्म सिल गर्ने निर्णय गरेको प्रमुख जिल्ला अधिकारी विजयराज पौडेलले जानकारी दिए ।

यस्तै तरकारी, दूध, किराना, मासु पसल बिहान ७ देखि १० देखि खोल्ने दूध पसल बिहान ६ देखि ९ बजे र बेलुका ५ बजे देखि ७ बजे सम्म मात्र खोल्ने समय निर्धारण गरिएको छ ।

जिल्लाको लकडाउनलाई थप कडाई गर्ने र अत्यावश्यक काम परेमा पनि जिल्ला प्रशासन र प्रहरीको अनुमति लिएर मात्र बाहिर निस्कन आग्रह गरेको छ ।