काठमाडौं – नेपालमा ४२ हजारभन्दा बढी मानिसले कोरोना भाइरसको स्व-परीक्षण गरेका छन् ।
सरकारको आधिकारिक वेबसाइट कोभिडनाइन्टिन डट एमओएचपी डट जीओभी डट एनपीमा ४२ हजार ११७ जनाले आफूमा कोरोना भए वा नभएको भनेर स्व-परीक्षण गरेको उल्लेख छ ।
यस्तै अनलाइनमार्फत फारम भरेकामा रेड जोन अर्थात् संक्रमणको सम्भावना रहेका मानिसको संख्या चार सय पाँच पुगेको मन्त्रालयले जनाएको छ ।
अनलाइन फारममा विभिन्न प्रश्नहरू सोधेर उत्तरको आधारमा संक्रमणको सम्भावनाका आधारमा उनीहरूको वर्गिकरण गरिन्छ ।
यदि कुनै व्यक्ति विदेशबाट आएको, संक्रमितलाई भेटेको वा संक्रमितको सम्पर्कमा आएको एवं लक्षणहरू देखिएको छ भने ती व्यक्तिलाई रेड जोनमा राखिदै आएको मन्त्रालयले प्रष्ट्याएको छ ।
प्रतिक्रिया