एजेन्सी — अस्ट्रेलियाका पुर्व कप्तान स्टिभ स्मिथ र उपकप्तान डेभिड वार्नरमाथिको प्रतिबन्ध फुकुवा भएको छ । बल टेम्पिरिङ काण्डमा परि पछिल्लो एक बर्ष निलम्बनमा परेका स्मिथ र वार्नर कारबाही बिहीबार फुकुवा भएको हो ।

दक्षिण अफ्रिकाविरुद्धको तेस्रो टेष्ट क्रिकेटका क्रममा उनीहरुले ‘बल टेम्परिङ’ गरेका थिए । एक वर्षको राष्ट्रिय टिमबाट खेल्न नपाएका स्मिथ र वार्नर मे महिनामा हुने विश्वकपमा टिममा पर्ने सम्भावना बलियो देखिन्छ ।

स्मिथ र वार्नर अहिले जारी इन्डियन प्रिमियर लिग (आईपीएल) मा व्यस्त छन् । आईपीएलमा स्मिथले राजस्थान रोयल्स तथा वार्नरले सनराईजर्स हैदरवादबाट खेलिरहेका छन् । क्रिकेट अस्ट्रेलियाले उनीहरुको आईपीएलको प्रदर्शनलाई हेरेर राष्ट्रिय टिममा पर्ने नपर्ने निश्चित हुने बताएको छ ।