काठमाडौं – बेलायतमा विभिन्न उमेर समूहका कोरोना भाइरस संक्रमितहरुको अनुसन्धान गरिएको छ ।

कोरोना भाइरसको महामारीबाट मृत्यु भएकाहरुको रिसर्चमा शोधकर्ताहरुले ६५ वर्ष भन्दा कम उमेरका मानिसहरुमा कोरोना भाइरसको संक्रमण खतरा ३४ गुणा कम रहेको पाइएको बताएका छन् ।

बेलायतको नेशनल स्ट्याटिसटिक्सले कोरोनाबाट मृत्यु हुनेहरु धेरै जसो ६५ वर्ष भन्दा माथिको उमेरका रहेको उल्लेख गरेको छ ।

बेलायतमा यस उमेरका मानिसहरुको मृत्यु ३० हजार ९७८ भन्दा धेरै रहेका छन् । ६५ वर्ष भन्दा कम उमेरका मानिसहरुको मृत्यु १२ प्रतिशत मात्र रहेको उक्त अनुसन्धानले देखाएको छ ।

शोधकर्ताहरुका अनुसार ४५ वर्ष उमेरका प्रति एक लाख संक्रमितमा १ जनाको मात्र मृत्यु भएको छ ।