काठमाडौं– राष्ट्रपति विद्यादेवी भण्डारीले आगामी आर्थिक वर्षको सरकारको नीति तथा कार्यक्रम सार्वजनिक गर्दै कोरोना भाइरस संक्रमणको अग्रपंक्तिमा खटिनेप्रति आभार प्रकट गरेकी छिन् ।

उनले यस असहज अवस्थामा नोपलको राष्ट्रिय हित नै पहिलो प्राथमिकता रहेको बताइन् । उनले कोभिड–१९ का कारण विश्वमै संकट उत्पन्न भएको बताउँदै यस महामारीबट लाखौं मानिसको ज्यान गइसकेको बताइन् । उनले महामारीबाट ज्यान गुमाउने सबैमा हार्दिक श्रद्धाञ्जली व्यक्त गर्दै बिरामीहरुको शीर्घ स्वास्थ्य लाभको कामना गरेकी छिन् ।

कोभिड–१९ ले अर्थ व्यवस्थामा धक्का पु¥याएको बताइन् । उत्पादन र वितरण प्रणाली गम्भीर बनेको, लाखौंको रोजगारी गुमेको तथा व्यवधान उत्पन्न भएको जनाइन् ।  यो अदृश्य दुश्मनविरुद्ध विश्व समुदाय लडिरहेको छ । यसलाई पराजित गर्न ऐक्यवद्धता र आशावादको खाँचो  रहेको जनाइन्छ।

गुमेको मानव जीवनको पुनः प्राप्ति हुन नसक्ने बताउँदै मानवीय पुँजी समेत अपूरणयी हुन पुगेको बताइन् । कोभिड– १९  को संक्रमण नेपालमा फैलिएको भए पनि अहिलेसम्म जीवनरक्षा गर्न सफल भएको बताइन् ।

यस महामारीमाथि विजयी हासिल गर्न एकता आवश्यक रहेको बताउँदै रोकथामका लागि सरकारकाले चालेको कदममा साथ दिएकोमा धन्यवाद दिँदै सवैमा साथ दिन समेत आह्वान गरिन् ।