काठमाडौं- जनता समाज पार्टी (जसपा) नेपालका नेता तथा पूर्वप्रधानमन्त्री डा. बाबुराम भट्टराईले कालापानी, लिपुलेक र लिम्पियाधुरा क्षेत्रका ऐतिहासिक नक्सा सार्वजनिक गरेका छन् ।

भारतले लिपुलेकमा नेपाली भूमि मिचेको भनि सडकदेखि सदनसम्म विरोध भइरहेका बेला डा. भट्टराईले सामाजिक सञ्जालमा केही ऐतिहासिक नक्सा र तस्वीर सार्वजनिक गरेका हुन् ।

उनले फेसबुकमा लेखेका छन्- नक्सा आफैं बोल्छ ! कालापानी, लिपुलेक र लिम्पियाधुरा क्षेत्रका केही ऐतिहासिक नक्सा र फोटो !

उनले सन् १९०३ मा चीनले बनाएको नक्सामा नेपालको सीमाना, अहिले विवाद झिकिएको कालापानी,लिपुलेक,लिम्पियाधुरा क्षेत्र लगायतका क्याप्सन लेख्दै तस्वीर तथा नक्सा सार्वजनिक गरेका हुन्  ।

उनले आजै प्रधानमन्त्री केपी शर्मा ओलीलाई लिपुलेकबारे विभिन्न ६ बुँदे सुझाव दिएका थिए । जुन निम्न छन्-

१.दलीय हैन राष्ट्रिय अवधारणा/सहमति बनाउने
२. तथ्यप्रमाण बलियो बनाउने
३. उच्चतहमा राजनीतिक सम्बाद/कुटनीतिक पहल गर्ने
४. नेपाल-भारत-चीन बीच सहमति गरेर त्रिपक्षीय सीमाविन्दू तय गर्ने
५. ICJ को तयारी गर्ने
६. देशको सामरिक महत्व गुम्न नदिने।

उनले सार्वजनिक गरेका तस्वीरमा यस्तो लेखिएको छ-

१. सन् १८४६ मा अंग्रेजहरूले बनाएको नेपालको नक्सा

२. सन् १९०३ मा चीनले बनाएको नक्सामा नेपालको सीमाना,

३. अहिले विवाद झिकिएको कालापानी, लिपुलेक, लिम्पियाधुरा क्षेत्र

४. कालापानी क्षेत्रमा भारतीय सेना