काठमाडौं- बाँकेको नेपालगञ्जमा घरेलु हतियार बनाउने कारखाना फेला परेको छ। हतियार निर्माण हुने सूचना पाएको प्रहरीले छापा मार्दा घरेलु हतियार बनाउने कारखाना नै पत्ता लगाएको हो ।

प्रदेश ५ प्रहरीको विशेष व्युरोले हतियारको कारखाना लगाउने जंघवीर नेपालीलाई पक्राउ गरेको छ । पक्राउ परेका नेपालीलाई प्रहरी थुनामा राखी आवश्यक अनुसन्धान अघि बढाइएको नेपालगन्ज प्रहरीले जानकारी दिएको छ । नेपालीले हतियार बनाउन प्रयोग गर्ने उपकरण तथा निर्माण भएका हतियार पनि बरामद गरेको नेपालगञ्ज प्रहरीले जानकारी दिएको छ ।

नेपालीले तयार पारेका हतियार के प्रयोजनमा चलाइने गरेको थियो र यसअघि कति निर्माण भएका थिए भन्ने विषयमा प्रहरीले अनुसन्धान थालेको छ।