वीरगन्ज– पर्सामा मंगलबार कोरोना भाइरसको संक्रमण पुष्टि भएका ३९ जनामध्ये १४ जना बाग्लुङबाट आएका खुलेको छ ।

उनीहरु १७ दिन अगाडि मात्रै बाग्लुङबाट पर्सा आएका थिए । बाहिर जिल्लाबाट आएका व्यक्तिलाई छिपहरमाई गाउँपालिकाले क्वारेन्टाइनमा राखेको थियो । स्वाब संकलन गरी परीक्षणका लागि काठमाडौं पठाइएकोमा म‌ंगलबार मात्रै उनीहरुमा संक्रमण पुष्टि भएको हो ।

यस्तै मंगलबार नै संक्रमण पुष्टि भएका पर्साका संक्रमितमध्ये ८ जना पुरुष यसअघि संक्रमित देखिएका १८ जनाको सम्पर्कमा रहेका व्यक्तिहरु भएको पाइएको छ ।

नारायणी अस्पतालका डाक्टर उदय नारायण सिंहका अनुसार वीरगञ्ज महानगरपालीका वडा नम्बर ३ मा बैशाख २१ गते भेटिएका३६ वर्षीया संक्रमित र बैशाख २४ गते संक्रमण पुष्टि भएका उनका १७ जना परिवारका सदस्य सहित १८ जना संक्रमितको सम्पर्कमा आएका ८ जनामा कोरोना संक्रमण पुष्टि भएको हो ।

अस्पतालको आइसोलेसनमा रहेका संक्रमितको कन्ट्रयाक ट्रेसिङ गर्ने क्रममा उनीहरु संक्रमितको नजिक रहेको पाइएपछि कोरोना परीक्षण गर्दा उनीहरुमा पनि संक्रमण पुष्टि भएको डा सिंहले बताए ।

पर्सामा मंगलबार संक्रमण पुष्टि भएका ३९ जनामध्ये ५ जना वीरगञ्ज महानगरपालीका वडा नम्बर २ का ५ जना, वडा नम्बर १६ का ११ जना र वडा नम्बर ४ का एकजना र छिपहरमाई गाउँपालिकाका १४ जना रहेका छन् ।