लखनउ– आसन्न भारतीय आम निर्वाचनमा भारतको उत्तर प्रदेश राज्यमा सत्तारुढ भारतीय जनता पार्टी भापजाको तर्फबाट चुनावी अभियानका नेतृत्व प्रधानमन्त्री नरेन्द्र मोदीले नभई त्यहाँका मुख्यमन्त्री योगी आदित्यनाथले गर्ने भएका छन् ।

मुख्यमन्त्री आदित्यनाथले राज्यका सबै निर्वाचन क्षेत्र पुगेर र्‍याली र अन्य चुनावी अभियानमा सहभागी हुने बताइएको छ ।

त्यस्तै, उनले अन्य राज्यमा पनि भाजपाका लागि मत माग्ने बताइएको छ ।

उनले गत आइतबार राज्यको शाकुम्बरी देवीको मन्दीरबाट चुनावी अभियान शुरु गरेका थिए ।

उत्तर प्रदेशमा समाजवादी पार्टी, राष्ट्रिय लोक दल र बहुजन समाज पार्टीबीच बनेको गठबन्धन र विपक्षी काँग्रेसको प्रभाव रहेको निर्वाचन क्षेत्रमा योगीको सक्रियता अझै तीब्र हुने उत्तर प्रदेश राज्यमा भाजपाका प्रवक्ता चन्द्रमोहनले जनाएका छन् ।