सुर्खेत– सिम्ता गाउँपालिकामा ड्युटीमै रहेका बेला सम्पर्कबिहीन बनेका एक प्रहरी जवान मृत फेला परेका छन् ।
आग्रीगाउँ प्रहरी चौकीमा कार्यरत प्रहरी जवान नरेन्द्र खड्का ड्युटीबाटै सम्पर्कविहीन भएका थिए ।
उनको शव मंगलबार बिहान ९ बजे आग्रीगाउँ प्रहरी चौकीदेखि एक किलोमिटर पर भेटिएको कर्णाली प्रदेश प्रहरीले जनाएको छ । उनी राति २–३ बजेसम्मको ड्युटीमा खटिएका थिए । खड्का आफूसँगै भएको एक थान पेस्तोल र गोलीसहित सम्पर्कबिहीन भएका थिए ।
कञ्चटमा गोली लागेको अवस्थामा प्रहरी चौकी नजिकैको जंगलमा उनको शव फेला परेको हो । घटनाका बारेमा अनुसन्धान भइरहेको र कारण अनुसन्धानपछि मात्र खुल्ने प्रहरीले जनाएको छ ।
प्रतिक्रिया