कञ्चनपुर- आज आएको भीषण हावाहुरीले कञ्चनपुरका विभिन्न ठाउँमा क्षति पुर्‍याएको छ ।

तीन बजेतिर आएको हावाहुरीका कारण कञ्चनपुरका कारण बेलौरी नगरपालिका , पुनर्वास नगरपालिका , भीमदत्त नगरपालिका , शक्ला फाँटा नगरपालिका , लगायत बेलडाँडी र लालझाडी गाउँपालिका क्षेत्रमा असर पुगेको छ ।

हावाहुरीका कारण बिजुलीका पोल ढलेपछि सो क्षेत्रमा विद्युत सेवा समेत अवरुद्ध बनेको छ । सेवा अवरुद्ध हुँदा नगरपालिकामा दैनिक कामकाज ठप्प रहेको छ । ठाउँठाउँमा बिजुलीका पोल ढलेको बताइएको छ ।

बेलौरी नगरपालिका ५ रामनगर , ९ रतनपुर, ८ कलकत्ताका धेरै जसो घर र गोठको छानो नै उडाएको स्थानीयवासीले बताएका छन् ।

कञ्चनपुर प्रहरीका अनुसार हावाहुरीका कारण जनजीवन प्रभावित भएपछि मानवीय क्षति भने भएको छैन् । केही चौपाया र घर, गोठ, विद्यालय, साईकल पार्किङ्ग स्टेण्डमा क्षति पुगेको छ ।