रुस- रुसमा पछिल्लाे २४ घण्टामा ११ हजार १२ जनामा काेराेना भाइरस सङ्क्रमण देखिएसँगै कुल सङ्क्रमितकाे सङ्ख्या २ लाख ९ हजार ६ सय ८८ पुगेकाे छ ।

यससंगै रुस विश्वमा धेरै संक्रमित मुलुकको पाँचौ नम्बरमा पुगेको छ ।

आइतबार रुसमा ८८ जनाकाे ज्यान गएकाे पुष्टि भएकाे छ । अब रुसमा काेराेनाबाट ज्यान गुमाउनेकाे सङ्ख्या एक हजार नाै सय १५ भएकाे छ ।

रुसमा पछिल्लाे एक हप्तादेखि प्रतिदिन १० हजारभन्दा धेरै नयाँ सङ्क्रमित थपिएका छन् ।

रुसी अधिकारीहरुले परीक्षणकाे दायरा बढाइएकाेले यति धेरै सङ्ख्यामा सङ्क्रमण देखिएकाे दाबी गरिरहेका छन् ।

कोरोनाबाट सबैभन्दा धेरै अमेरिका प्रभावित भएको छ ।

अमेरिकामा १३,०९,५४१ मानिस प्रभावित भएका छन् ।त्यस्तै  स्पेनमा २,२३,५७८, इटलीमा २,१८,२६८ तथा बेलायतमा २,१६,५२५ मानिस कोरोनाबाट प्रभावित छन् ।