भारत– सिक्किमको सीमा क्षेत्रमा भारत र चिनियाँ सेनाबीच झडप भएको छ ।

त्यस क्रममा दुबै पक्षका सैनिक जवानहरु घाइते भएको भारतीय सञ्चारमाध्यमहरुले जनाएका छन् ।

भारतीय सैनिक सूत्रलाई उदृत गर्दै आजतकले जनाए अनुसार उत्तरी सिक्किमको सीमामा भारतीय र चिनियाँ सैनिकबीच झडप भएको थियो । दुबै पक्षका केही सैनिक घाइते भएको र पछि स्थानीय स्तरमा कुराकानी पछि सैनिकहरु हटेका थिए ।

चिनियाँ सैनिक जवान आक्रामक भएपछि भारतीय सेनाले प्रतिवाद गरेको समाचारहरुमा जनाइएको छ । विवादपछि केही बेरको वार्तापछि दुबै सैनिक आआफ्नो पोष्टमा फकिएका थिए ।

सीमा विवाद जारी रहँदा यसअघि पनि भारतीय र चिनियाँ सेनाबीच यस्तो घटना हुने गरेको थियो । यसअघि सन् २०१७ मा दुबै देशका बीच सिक्किम क्षेत्रमा भीषण तनाव देखिएको थियो ।