काठमाडौं- नेपालको भूमि लिपुलेक हुँदै भारतले चीनको मानसरोवर पुग्ने सडक निर्माण गरी उद्घाटन गर्दा पनि सरकार चुप बसेको आरोप प्रमुख प्रतिपक्षी दल नेपाली कांग्रेसको भ्रातृ संस्था नेविसंघले आरोप लगाएको छ ।

सीमा मिचिँदा पनि थाहा नपाएझैं गरी चुप लागेर बस्ने वर्तमान सरकारको कार्यले थप शसंकित बनाएको नेविसंघले जनाएको छ ।

नेविसंघका अध्यक्ष राजीव ढुंगानले शनिवार एक विज्ञप्ति जारी गर्दै चुनावका बेला राष्ट्रियताको नारा दिएको सरकारको अहिलेको प्रवृत्ति लम्पसारवादी भएको आरोप लगाएको छ ।

‘आफ्नो सीमा मिचिँदा पनि थाहा नपाएझैं गरी चुप लागेर बस्ने वर्तमान सरकारको कार्यले हामीलाई थप शसंकित बनाएको छ। चुनावका समयमा राष्ट्रियताका ठूला र खोक्रा नारा दिने यो सरकारको अहिलेको लम्पसारवादी प्रवृत्ति भारतको मिचाह प्रवृत्तिभन्दा पनि खतरनाक छ,’ ढुंगानाले निकाले विज्ञप्तिमा भनिएको छ।

कुटनीतिक पहल गरी उक्त कार्य रोक्न लगाउन पनि नेविसंघले माग गरेको छ।