धनगढी- सुदूरपश्चिमकी पाचौँ कोरोना संक्रमित पनि अस्पतालबाट डिस्चार्ज भएकी छिन् ।

सेती प्रादेशिक अस्पतालमा उपचाररत धनगढी उप महानगरपालिका ५ की ३४ बर्षिय युवतीको लगातार दुई पटकसम्म कोरोना परीक्षण रिपोर्ट नेगेटिभ आएपछि उनलाई आज अस्पतालबाट डिस्चार्ज गरिएको हो ।

३५ दिनदेखि सेती अस्पतालमा उपचारर महिलाको छ पटकसम्म गरीएको थ्रोट स्वाब परीक्षणमा कोरोना रिपोर्ट पोजेटिभ देखिएको थियो । पछिल्लो दुई पटक गरिएको परीक्षणमा रिपोर्ट नेगेटिभ आएसँगै उनलाई अस्पतालबाट डिस्चार्ज गरिएको अस्पतालले जनाएको छ ।

सेती अस्पतालमा उपचाररत अन्य चार जना यसअघि नै डिस्चार्ज भइसकेका थिए ।

लम्कीचुहा नगरपालिकाका २१ बर्षीय युवक, धनगढी उप–महानगरपालिका वडा नम्वर ५ का ३४ बर्षीय युवक, कञ्चनपुरको बेदकोट नगरपालिकाका ४० बर्षीय पुरुष र लम्कीचुहा नगरपालिका वडा नम्वर १ की महिला यसअघि नै डिस्चार्ज भएका थिए ।