मुम्बई – हालै सामाजिक सञ्जालमा उक्त तस्वीर भाइरल भएको थियो । तस्वीरमा आमिर खान आफ्ना साथी राजसँग अटो रिक्साका पछि फिल्मको पोस्टर टाँसिरहेका थिए ।

आमिर खानले एक अन्तर्वार्ताका क्रममा ३० वर्षको करिअरमा आफूसँग जोडिएका कैयन् किस्सा सुनाएका थिए । उनले आफ्नै कैयन् राज पनि खुलाएका थिए ।

आमिरले पहिलो कमाइदेखि लिएर पुराना याद पनि शेयर गरेका थए ।

आमिरले बताएका थिए, ‘कयामत से कयामत तक मेरो पहिलो सबैभन्दा हिट फिल्म साबित भएको थियो । तर त्यतिबेला मसँग गाडी किन्ने पैसा थिएन, म सार्वजनिक सवारीमा हिँड्थेँ ।’

उनले ‘कयामत से कयामत तक’ बाट उनले ११ हजार कमाइ गरेको बताएका थिए । यतिमात्र होइन, आमिरले पहिलो फिल्मबाट मासिक १ हजार कमाउन थालेको पनि बताएका थिए ।

तारे जमिन पर, रंग दे बसन्ती, दिल चाहता है, ३ इडियट्स र पीकेजस्ता फिल्मबाट आमिरले निकै चर्चा कमाएका छन् ।

आमिर बलिउडमा फरक खालका फिल्ममा काम गर्ने अभिनेताका रुपमा पनि चिनिन्छन् ।

आमिरको फिल्म ‘दंगल’ ले विश्भवरबाट करीब २००० करोड कमाइ गरेको थियो । फिल्मले चीनमा मात्र ८ सय करोड कमाइ गरेको थियो ।
आमिरको यो फिल्मलाई बलिउडको सबैभन्दा बढी कमाइ गर्ने फिल्मका रुपमा लिइन्छ ।

आमिर ३० वर्षको करिअरमा कहिल्यै पनि अवार्डमा कार्यक्रममा गएनन् । यद्यपि उनले अवार्ड पाइसकेका छन् । उनले पद्यमी श्री देखि पद्म भूषण पुरस्कार पनि जितेका छन् ।