लण्डन – म्युजिक ब्याण्ड द बीटका गायक रेन्किज रोजरको ५६ वर्षको उमेरमा निधन भएको छ । गार्डियन डटकमका अनुसार ब्याण्डको वेबसाइटमा राखिएको एक विज्ञप्तिमा रोजरको मंगलबार आफ्नै घरमा निधन भएको हो । उनको खास नाम रोजर चार्ली थियो ।
रोजर केही समययता बिरामी थिए । उनलाई क्यान्सर र दुई ब्रेन ट्युमरले ग्रसित बनाएको थियो । उनलाई ब्याण्डले बिमारसँग लडेका एक योद्धा भनेको छ ।
रोजरको निधन हुनुभन्दा केही घण्टापहिले उनका घरका अर्का सदस्यको पनि निधन भएको थियो ।
रोजरले सन् १९७८ मा बर्मिघममा द बीट ब्याण्डको स्थापना गरेका थिए ।
प्रतिक्रिया