काठमाडौं – स्पेनिस महारथि रियल मड्रिडका फिटनेस प्रशिक्षक ग्रेगोरी डुपोन्टलेले खेलाडीको फिटनेस जाँच शुरु गरेका छन् ।

मे ११ देखि अभ्यासमा फर्किने तयारीमा रहेको रियलका खेलाडीको फिटनेस प्रशिक्षक डुपोन्टले भिडियो कलमार्फत जाँच गरिरहेका छन् ।

रियलको टिमलाई तीन समुहमा बाँडेर दिनको दुई सिफ्टमा खेलाडीहरुसँग उनले फिटनेस छलफल गरिरहेका छन् ।

अभ्यासमा फर्किनु अगाडि कोरोना भाइरस जाँच गर्नु पर्ने हुन्छ जुन आजदेखि रियलका खेलाडीको कोरोना परीक्षण हुनेछ ।

दुई महिना कोरोना भाइरसकै कारण ला लिगा बन्द भएपछि खेलाडी होम क्वारेन्टाइनमा रहेका थिए ।

खेलाडीहरुले प्रशिक्षकको निर्देशन पालना गरेका कारण खासै समस्या नभएको उनले बताएका छन् ।

एडर मिलिटावले आफुले फिजिकल गरिरहेका भिडियो सामाजिक सञ्जालमा राखेका छन् । जसमा उनलाई फिटनेस प्रशिक्षकले निर्देशन दिइरहेको मार्काले लेखेको छ ।

कोरोनाका कारणबीचमै रोकिएको ला लिगामा रियल दोस्रो स्थानमा छ । शीर्ष स्थानमा बार्सिलोना छ ।