काठमाडौं – सर्वसाधारणलाई धम्क्याएको आरोपपछि बेलायतका व्यापार मन्त्री कोनर बर्न्सले पदबाट राजीनामा दिएका छन् ।

मन्त्री बर्न्समाथि उनका पिता संलग्न कारोबारको विषयमा सर्वसाधारणलाई धम्क्याएको आरोप लागेको थियो ।

उक्त आरोपलगत्तै छानविन गरेको वेलायतको संसदीय टोलीले बर्न्सले पदको दुरुपयोग गरेको ठहर गरेको थियो ।

समितिले गरेको छानविनका क्रममा मन्त्री बर्न्सले गत फेब्रुअरीमा उनको पितासित ऋण तिर्नेबारे विवाद गरेका एक सर्वसाधारणलाई सांसदको लेटरप्याड प्रयोग गर्दै पत्र लेखेरै धम्क्याएको पाइएको थियो ।

उनलाई सांसद् पदबाटै निलम्बन गर्न सिफारिस गरिएपछि वेलायतको प्रधानमन्त्री कार्यालयले रिक्त पदका लागि नयाँ मन्त्री नियुक्ती गर्ने जनाएको छ ।