काठमाडौं – जर्मनको शीर्ष दुई डिभिजनका १० जनामा कोरोना भाइरस (कोभिड १९) को संक्रमण देखिएको छ ।

सोमबार १७ सय २४ जनामा कोरोना भाइरसको जाँच गरिएकोमा १० जनामा पुष्टि भएको जर्मन फुटबल लिग (डिएफएल) ले जनाएको छ ।

जर्मनका क्लबहरु सामुहिक अभ्यासको तयारी जानु अगाडि गरिएको कोरोना परिक्षणमा क्लबका स्टाफ र खेलाडीगरि १० जनामा संक्रमण देखिएको जनाइएको छ ।

‘कोरोनाको संक्रमण देखिएका व्यक्तिहरुलाई आइसोलेसनमा राहिएको छ’ डिएपएलले विज्ञप्तिमा भनेको छ । यहिँ हप्ता शीर्ष डिभिजन क्लब कोलोनका ३ जना खेलाडीमा कोरोना संक्रमण देखिएको थियो ।

उनीहरु तीनै जनालाई कोरोनाको लक्ष्यण देखिएको छैन तर पनि १४ दिनको क्वारेन्टाइनमा खेलाडीलाई राहिएको कोलोनले बताएको छ ।

जर्मन बुन्डेसलिगा कोरोना पछि प्रतिस्पर्धा गराउने पहिलो युरोपको लिग हुने लगभग पक्का छ । उसले मे ९ देखि सुरु गर्ने तयारी गरेपनि सरकारले मे १६ अथवा २३ देखि सुरु गर्न निर्देशन दिएपछि केहि ढिला भएको हो ।