रुपन्देही – कोरोना संक्रमित भेटिएको पर्सिपल्ट नै रुपन्देहीस्थित प्रादेशिक प्रयोगशालामा कोरोना भाईरसको नमूना परीक्षण गर्ने किट र केमिकल सकिएको छ ।

‘किट’ र केमिकलको अभाव हुँदा थप नमूना परीक्षण रोकिएको छ भने संघीय सरकारसँग माग गरी पठाएको किट र केमिकल समयमै नआउदा समस्या उत्पन्न भएको छ ।

‘किट’ अभाव हुँदा आजदेखि परिक्षण वन्द भएको प्रदेश जनस्वास्थ्य प्रयोगशालाका निमित्त प्रमुख डा. राजेन्द्र कुमार गिरीले जानकारी दिए ।

प्रयोगशालामा ‘किट’ अभाव भएपछि परीक्षणका लागि आएकाहरुको स्वाब संकलन गरी काठमाडौं पठाउन थालिएको डा. गिरीले बताए ।

प्रदेश जनस्वास्थ्य प्रयोगशालामा आरडीटी र पीसीआर दुबै विधिबाट परीक्षण हुँदै आएको थियो ।

थ्रोट स्वाबको नमूना संकलन गरेपछि त्यसको प्रोसेसिङका लागि आवश्यक पर्ने ‘किट’ र केमिकल अभावले परीक्षण प्रभावित भएको हो ।