काठमाडौं- एनएमबी बैंकले अब घरमै बसी फेसबुकको म्यासेन्जरबाटै खाता-मुद्दती निक्षेप खोल्ने र नवीकरण गर्न सकिने सेवा सुचारु गरेको छ ।

वर्तमान प्रतिकूल परिस्थितिमा सेवाग्राहीहरुको सहजता, उच्च प्रतिफल र सुरक्षाको सुनिश्चितताको साथ ग्राहकवर्गको लागि फेसबुकबाटै खाता खोल्न सकिने सेवा प्रदान गरेको हो ।

डिजिटल बैंकिङ्ग सेवाको अभिवृद्धि गर्दै ग्राहकवर्गलाई सहजता प्रदान गर्ने बैंकले जनाएको छ । घरबाटै आरामपूर्वक बैंकिङ्ग गतिविधिहरु रोज्न सक्ने सेवा प्रदान गरिएको समेत जनाएको छ ।

ग्राहकवर्गलाई  फेसबुक म्यासेन्जरकैे प्रयोगले खाता/मुद्दती निक्षेप खोल्ने नवीनतम र सुविधाजनक सेवाहरु ल्याइएको जनाएको हो ।

“हालको परिप्रेक्षमा यसले सेवाग्राहीहरुका लागि कारोवारहरु सम्पादन गर्न सहयोग पुग्नेछ ” बैंकले जारी विज्ञप्तिमा उल्लेख छ ।