सिन्धुपाल्चोक- हिउँमा १४ दिनदेखि हराइरहेका युवकको उद्दार गरिएको छ ।

सिन्धुपाल्चोक जिल्लाको बेलेफी गाउँपालिका–४ का सुरज लामाको आज (शुक्रबार) बिहान सकुशल उद्दार गरिएको हो ।  

नेकपा केन्द्रीय सदस्य माधव सापकोटा को पहलमा उनको उद्दार भएको हो ।

सापकोटाका अनुसार अलपत्र परेका युवक रसुवागढी हाइड्रोपावरमा मजदुरीको काम गर्दै आएका थिए । 

गत ६ गते श्रीमतिको डेलिभरी हुने मिति पुगेको भन्दै मेलम्ची आउनका लागि भनेर हिँडेका उनी रसुवाको गोसाइँकुण्ड नजिकै तारेभिरमा आएर उनी अलपत्र परेको  थिए ।

गाउँपालिका अध्यक्षले आफूलाई समपर्क गरेर एकजना मानिस हराइरहेको खबर गरेपछि आफूले खोजीकार्य अघि बढाएको उनले बताए । 

आज बिहान उद्दार गरिएको उनको अहिले सिभिल अस्पतालमा उपचार भइरहेको छ । अहिले उनको अवस्था सामान्य रहेको सापकोटाले बताए ।