काठमाडौं– नेपाली राष्ट्रिय क्रिकेट टोलीका लेग स्पीनर सन्दीप लामिछाने आवद्ध इङ्ग्ल्यान्डको ‘दी हन्ड्रेड’ क्रिकेट प्रतियोगिता एक वर्ष पछि धकेलिएको छ ।
सन् २०२० मा हुने भनिएको सय बलको प्रतियोगिता नोबेल कोरोना भाइरस (कोभिड-१९) का कारण २०२१ सम्मका लागि स्थगित भएको हो ।
कोरोना भाइरसको जोखिम भइरहँदा यस सिजनको प्रतियोगिता हुने/नहुने भन्ने दुविधाकै बीच ‘दि हन्ड्रेड’को आयोजकले प्रतियोगिता १ वर्ष पछि सारिएको जानकारी दिएको छ ।
क्रिकेटरहरुले कोरोनाको जोखिम नसकिएसम्मका लागि प्रतियोगिता सार्नु पर्ने सुझाव दिँदै आएका थिए । नेपाली लेग स्पीनर सन्दीप दि हन्ड्रेडमा ओभल इन्भिन्सिबल्समा आवद्ध छन्।
प्रतिक्रिया