काठमाडौं– संस्कृतिविद् सत्यमोहन जोशीले मुलुकलाई समृद्ध बनाउन कामै गरेर देखाउन सरकारलाई सुझाव दिएका छन् ।  संस्कृतिविद् जोशीले देशलाई बनाउन कामै गरेर देखाउनुपर्ने पनि स्पष्ट पारे ।

उनले ‘समृद्ध नेपालः सुःखी नेपाली’ बनाउने अभियानलाई प्रधानमन्त्री केपी ओलीले कसरी सफल गराउँछन् ? आफूले नियाली रहेको पनि बताए ।  बुधबार काठमाडौंमा साहित्यकार पुष्पलता आचार्यद्वारा लिखित पुस्तक ‘किताव यात्रा’को बिमोचन गर्दै उनले मन्त्रीहरुले सपथ गरे अनुसार काम गरेको भए मुलुक धेरै पहिले नै समृद्ध भईसकेको हुने पनि उल्लेख गरे ।

संस्कृतिविद् जोशीले सबै नेपाली विदेशिने क्रमले तीव्रता पाएकाले मुलुकमा फेरि ‘हलो क्रान्ति’ गर्ने बेला आएको पनि स्मरण गराए । देशलाई समृद्ध बनाउने ‘मिसन’ हरेक नागरिकले लिनुपर्ने उनको भनाइ थियो ।