काठमाडौं– विश्वव्यापी महामारीको रुपमा फैलिएको कोरोना भाइरसको संक्रमणका कारण विश्व त्रसित छ ।

विहीबार विहान समाचार तयार पार्दासम्म विश्वमा ३२ लाख २० हजार बढी संक्रमित भएका छन् ।

संक्रमितमध्ये २ लाख २८ हजार २२३ जनाले ज्यान गुमाएका छन् भने १० ला ३५३ जना कोरोनाविरुद्धको सफल उपचारपछि निको भएर घर फर्किएका छन् ।

१९ लाख ८१ हजार ६५३ जनाको उपचार भइरहेको छ । संक्रमितमध्ये ५९ हजार ८११ जनाको अवस्था गम्भीर रहेको जनाइएको छ ।

चीनको वुहानबाट शुरु भएको कोरोनाको संक्रमण यूरोपेली मुलुक हुँदै अहिले सबैभन्दा बढी अमेरिका प्रभावित बनेको छ ।

अमेरिकामा मात्रै कोरोनाका कारण ६१ हजार ६६८ जनाले ज्यान गुमाएका छन् भने १० लाख ६५ हजार ५३३ जना संक्रमित रहेको जनाइएको छ ।

अमेरिकापछि स्पेन, इटाली, फ्रान्स, बेलायत जर्मनी, टर्की, रसिया, इरान लगायतका मुलुक प्रभावित बनेका छन् ।

छिमेकी मुलुक भारतमा पनि कोरोनाका कारण ३३ हजार बढी संक्रमित रहेका छन् भने १ हजार ७९ जनाले ज्यान गुमाइसकेका छन् ।

भारत सबैभन्दा बढी कोरोना भाइरस संक्रमित मुलुकको सूचीमा १६ औं स्थानमा छ ।