रौतहट– तीन महिना देखि तलब नपाएपछि बागमति सिंचाई आयोजना सर्लाहीमा कार्यरत कर्मचारी आन्दोलित भएका छन् ।  सो आयोजनामा कार्यरत २ सय ५५ जना ज्यालादारी कर्मचारी आन्दोलित भएका हुन् ।

आर्थिक वर्ष ०३५÷३६ सालमा सर्लाही र रौतहटको करिब ४६ हजार हेक्टर जमिनमा सिचाई सुविधा पु¥याउने उदेश्यले सो आयोजना स्थापना भएको थियो । स्थापनाकाल देखि नै भर्ना भएका सयौ कर्मचारीहरु हालसम्म अस्थायी रुपमा नै कार्यरत रहदै आएका छन् ।

कर्मचारीको सेबा सुबिधाको लागि आयोजनाले पटक पटक सिफारिस गरी सिचाई मन्त्रालय हुँदै अर्थमन्त्रालयमा फाईल पुर्‍याए पनि कार्यान्वय नभएपछि ज्यालादारी कर्मचारीहरु आन्दोलित बनेका हुन् ।

यस पटक भने चालु अवस्थामा रहेको बाग्मति सिचाई आयोजना लाई बाग्मती मनुस्मारा झाझ सिचाई आयोजनामा ब्यबस्थापन गाभेपछि कार्यरत कर्मचारी तलब पाउन बाट बन्चित भएका हुन् ।

पेशाको सुनिश्चितता र तलबको माग राख्दै उनीहरु चैत्र ३ गते देखि चरणबद्ध आन्दोलनमा उत्रेका छन् ।