बझाङ – विपद् व्यवस्थापन समिति बझाङलाई कोरोना भाइरसको उपचारमा आवश्यक पर्ने स्वास्थ्य सामग्री हस्तान्तरण गरिएको छ ।

वर्ल्ड भिजनले आर्थिक सहयोगमा खरिद गरिएका स्वास्थ्य सामग्री स्थानीय प्रगतीशिल युवा समाजले बझाङका प्रमुख जिल्ला अधिकारीलाई हस्तान्तरण गरेको हो ।

कोरोना भाइरसको संक्रमण रोकथाम गर्ने उदेश्यले समितिलाई त्रिपाल एक सय ८० थान, पीपी फर्म ९ रोल, ब्लाङ्केट ९० थान, डोरी ९० रोल, झुल ९० थान, थर्मल गन ४ सेट, बाटा ४० सेट र पीपीई ४५ सेट हस्तान्तरण गरेको प्रगतिशिल समाजका अध्यक्ष रमेश केसीले बताए ।

सुदुरपश्चिम प्रदेशको विकट हिमाली जिल्ला बझाङमा रोजगारीका लागि भारत गएका अधिकांश मानिसहरु हाल भन्सार नजिकै सीमानामा क्वारेन्टाइनमा बसिरहेका छन् ।

उक्त स्वास्थ्य सामग्री कोरोना भाइरसको संक्रमण रोकथामका लागि प्रयोग गरिने बझाङका प्रमुख जिल्ला अधिकारी उमेश पाण्डेले बताए ।