मुम्बई – ट्वाइलेट :एक प्रेमकथा र गोल्डजस्ता हिट फिल्म दिएका अक्षय कुमारको फिल्म ‘केसरी’ ले बक्स अफिसमा गज्जबको व्यापार गरिरहेको छ ।

अनुराग सिंहले निर्देशन गरेको यो फिल्मलाई दर्शकले रुचाएको प्रतिक्रिया दिएका छन् । फिल्मले पहिलो दिन सबैभन्दा धेरै कमाइ गर्ने फिल्मको रेकर्ड पनि राखेको छ ।

फिल्मले सोमबारसम्म बक्स अफिसमा ८६ करोड ३२ लाख रुपैयाँको व्यापार गरेको छ । ट्रेन्ड रिपोर्टसका अनुसार मंगलबार ७ करोड बराबरको कमाइ गरेको अनुमान छ ।

मंगलबार ७ करोड कमाइ गरेको आधारमा यो फिल्मले ९३ करोड भारु कमाएको छ ।

फिल्मले आइतबार २१ करोड ६ लाख, शुक्रबार १६ करोड ७५ लाख भारु, शनिबार १८ करोड ७५ लाख भारु, त्यस्तै आइतबार २१ करोड ५१ हजार भारु र सोमबार ८६ करोड ३२ लाख भारु कमाइ गरेको थियो ।

यो फिल्म भारतमा मात्र ३६ सय स्किृनमा रिलिज भएको छ । सारागढीको ऐतिहासिक लडाइमा आधारित यो फिल्ममा अक्षय कुमारले हवल्दवार ईशर सिंंहको भूमिका निभाएका छन् । फिल्ममा परिणीति चोपडाको पनि मुख्य भूमिका छन् ।

फिल्मलाई करण जोहरले निर्माण गरेका हुन् ।