बारा- वीरगन्जका उद्यौगी मोहनलाल अग्रवाल(चाचान)सहित ५ जना पक्राउ परेका छन् ।

लकडाउनका समयमा कालोबजारी गरेको आरोपमा प्रहरीले उनीहरुलाई आइतबार साँझ पक्राउ गरेको हो । उनी चाचान ग्रुपमा उद्योगपति हुन् ।

वीरगन्ज-पथलैया औद्योगिक करिडोरमा पर्ने बाराको परवानीपुर गाउँपालिका-४ चैनपुरस्थित नारायणी मोडर्न पल्सेस इन्डस्ट्रिजका उनी सञ्चालक हुन्। उनीसहित उनको उद्योगका प्रतिनिधि सुनिल शर्मा पनि पक्राउ परेका छन्।

लकडाउनको मौका छाोपेर मसुराकको दाल बढी मूल्यमा बिक्री गरेको उनीमाथि आरोप छ ।

लकडाउनअघि प्रति केजी ८० देखि ८५ रूपैयाँमा बिक्री गरिएको दाल लकडाउनपछि ९४ देखि ९८ रूपैयाँमा बिक्री गरिएको पाइएकले पक्राउ गरि अनुसन्धान थालिएको प्रहरी प्रवक्ता डीएसपी गौतम मिश्रले जानकारी दिए ।