काठमाडौं –  लकडाउनमा समेत काठमाडौं उपत्यकामा १३४ वटा सवारी दुर्घटना भएका छन् ।

कोरोना भाइरसको संक्रमण फैलन नदिन सरकारले चैत्र ११ गतेदेखि लकडाउन गरेर अत्यावश्यक बाहेकका सवारीसाधन सञ्चालन हुन नदिइएको यो अवधिमा पनि उपत्यकामा १३४ सवारी दुर्घटना भएका छन् ।

ट्राफिक प्रहरी महाशाखाका अनुसार यी दुर्घटनामा आठ जनाको ज्यान गएको छ भने ९५ जना घाइते भएका छन् । त्यसमध्ये सात जना गम्भीर घाइते भएका थिए ।

लकडाउनको अवधिमा पूर्ववत अवस्थामा भन्दा कम सवारी दुर्घटना भएको ट्राफिक प्रहरी महाशाखाका प्रमुख भीमप्रसाद ढकालले जानकारी दिए । ढकालका अनुसार सवारी आवागमनलाई सुरक्षित राख्न महाशाखाले  एक हजार एक सय हाराहारीमा ट्राफिक  प्रहरीलाई खटाएको छ ।