काठमाडौं– थापाथलिमा रहेको प्रसूती तथा स्त्री रोग अस्पतालका निर्देशक डाक्टर जागेश्वर गौतम कोरोना संक्रमित महिलालाई सुत्केरी गराउने छुट्टै कक्ष व्यवस्थापन गरिएको बताएका छन् ।

डा गौतमले कोरोना संक्रमित गर्भवती महिलाको लागि अस्पतालले छुट्टै स्थानमा डेलीभरी लगाउने व्यवस्था मिलाएको जानकारी दिएका हुन् ।

डा गौतमले अस्पतालमा गर्भवतीको सामान्य र आकस्मिक डेलभरीको सेवा सुचारु रहेको पनि जानकारी दिए । उनले कोरोना संक्रमित महिलाको लागि पनि छुट्टै डेलीभरी गर्ने कक्षको व्यवस्थापन गरी चिकित्सक तथा स्वास्थ्यकर्मीलाई पीपीईको पनि व्यवस्थापन गरिएको बताए । डा गौतमले घरमै रहेका गर्भवती र सुत्केरी महिलालाई आफ्नो केयरमा ध्यान दिन पनि आग्रह गरेका छन् ।

डा गौतमले गर्भवती महिला र सुत्केरीलाई दिएको टिप्स यस्तो छः
–गर्भवती महिलाले घरमा बस्दा स्यानिटाइजर प्रयोग गर्ने,
–हात साबुनपानीले राम्रोसँग धुने,
–भीडभाडमा नजाने,
– चिकित्सकले दिएका औषधिलाई नियमित प्रयोग गर्ने,
– ज्वरो आउने, शरीर सुन्निने, रक्तचाप बढ्ने तथा रक्तश्राब हुने समस्या भएमा मात्र अस्पतालमा जाने